आकाश खुल्ला छ

कविता- आकाश खुल्ला छ

आकाश खुल्ला छ, बादल रहित 

आफ्नै निजी रङ्गमा 

निलो साम्राज्य कायम राखेको छ, आजपनि 

तथापी 

कालो बादलको मुस्लो मडारिंदै छ 

हृदयको अन्तस्करणमा गृष्मकालिन टन्टलापुर घाममापनि 

निष्पट्ट अन्धकार छाएको छ, अन्तस्तलमा।

मौसम उद्वण्ड गर्मी छ, मरुभूमि झैँ 

कहिं कतै हावा चलेको छैन, पात हल्लिएको छैन 

आकाश खुल्ला छ 

चरा-चुरुङ्गिहरु उडेका छैनन् 

अनायशै हृदयको धड्कन बढेको छ 

लेक लागे झैं शरीर निश्कर्म छ 

अन्तर्वेदनामा काँपी रहेको छ, काँपी रहेको।